باب الحوايج مسموم

باب الحوايج مسموم و احنه نصيح ابها اليوم
يا مسموم يا بو الرضه
باب الحوايج مسموم
*
باب الحوايج ما رعوه العدوان شاف الألم من السجن و السجان
عود الرضه و سابع أنوار الأكوان بالسجن مسدوده عليه البيبان
آية الباري مهموم و احنه نصيح ابها اليوم
*
جم عام ظل موسه بن جعفر جم عام يحمل ألم من الطغاة الظلام
محتسب للباري و تحمل آلام جور و مصايب جرع من الأيام
سابع اليمه مالوم
*
و الطاغيه هارون أصبح حاكم و السندي بن شاهك الطاغي الظالم
مأمور و بأمر الرشيد الناقم كل يوم كل ساعه يهين الكاظم
باب الحوايج مظلوم
*
أرباتعش عام الإمام اتعذب و بأيده و برجله الحديد و ينحب
نيران سجنه بالضماير تلهب شب الرساله امن الوطن يتغرب
آية الباري القيوم
*
و الأشد من هاي المصايب و أعظم عود الرضه قلبه ايتقطع بالسم
و ابجتله هارون النذل يتبسم يشتشفي ابجتل الكاظم
ليش الظلم حكمه ايدوم
*
نعشه حماميل أربعه ايشيلونه فوق الجسر للكاظم ايخلونه
الموسه إمام الرافضه ايسمونه شيعت نعشه شيعته المحزونه
و اتهل مدامعها ادموم
*
و الكاظم ابعز و مهابه اتشيع غسلوا جسمه شيعته بالمدمع
لجن احسين اعله الوطيه امبطع يمه علي الأكبر صريع امقطع
هجمت عله اخيامه القوم
*
يا يوم أبو صالح يطفي الجمره و ياخذ ابثار أمه الزجيه الزهره
ثار الذي مقطوع بالطف نحره متخطب ابدمه و رضيعه ابكتره
ابسهم الشماته مفطوم
*
يبن الحسن من الصبر ملينه ما عدنه غيرك يا ذخر هادينه
جمر المصايب بالقلب جاوينه ما تنطفي و النار تسعر بينه   

من - الوكالة الاسلامية + وكالات اخرى